நோன்புக்கு முன்னரே துரோகம் செய்த உலமா சபை – தேவையா இந்த நாய்வேலை?

நோன்பு ஆரம்பிப்பதற்கு இன்னும் சில நாட்களே உள்ள நிலையில், பிறை விடயத்தில் என்ன பித்னாவை உண்டாக்குவார்களோ என்று தெரியாத நிலையில், அதற்கு முன்னோட்டமாக இப்பொழுதே முஸ்லிம்களுக்குத் துரோகம் செய்து அடிவாங்கி, மூக்கை உடைத்துக் கொண்டுள்ளது உலக்கைகள் சபை.


வைக்கோற்போர் நாய் எனப்படுவது, அந்த நாய் வைக்கோலை தானும் தின்னாது, தின்ன வருகின்ற மாட்டையும் தின்ன விடாது குரைத்து விரட்டித் தடுக்கும்.


வெள்ளம் வந்தது பல முஸ்லிம் இளைஞர்கள் பல்வேறு ரீதியில் வெள்ளத்தில் இறங்கி உதவிப் பணிகளைச் செய்தார்கள். பல்வேறு இயக்கங்கள், அமைப்புகள், சங்கங்கள், பள்ளிவாசல்கள், பல்கலைக் கழக மாணவர்கள், தனிநபர்கள் என்று பல்வேறு பட்ட தரத்தில் முஸ்லிம்களின் பங்களிப்பு இருந்தது.


கலியாணவீடு நடந்தால் நான்தான் மாப்பிள்ளையாக இருக்க வேண்டும், மையத்து வீடு என்றால் நான்தான் மையத்தாக இருக்க வேண்டும் என்பது போன்று வெள்ளத்தை பயன்படுத்தி தான் மட்டும்தான் ஏகபோக ஹீரோ ஆக வேண்டும் என்று திட்டம் போட்ட அகில இலங்கை உலக்கை சபை, முஸ்லிம்களது முழு வெள்ள நிவாரணச் செயற்பாடுகளையும் தன்னுடைய கட்டுப்பாட்டுக்குள் கொண்டுவர சில அடிவருடிகளை கொண்டு தந்திரமாக உருவாக்கிய அமைப்புத்தான் “நிவாரண ஒருங்கிணைப்பு நிலையம்” (RCC).


RCC யை உருவாக்கிய பின்னர், முஸ்லிம்கள் யாரும் நிவாரணப் பணிகளில் தனிப்பட்ட விதமாக ஈடுபடக் கூடாது, அனைத்து பணிகளும் RCC மூலமாக மட்டுமே ஒருக்கிணைக்கப்படும், RCC அல்லாத எந்த அமைப்பிற்கும் யாரும் எந்த உதவியும் செய்யக் கூடாது என்று மிகத் தந்திரமாக அறிக்கை விட்டு மற்ற அனைத்துத் தரப்புக்களையும் முடக்கியது ஜமியத்துல் உலமா. இதனால் பல தன்னார்வ தொண்டர்கள், பல்கலைக் கழக மாணவர்கள் மன உளைச்சலுக்கு உள்ளானார்கள், தமது பணிகளையும் கைவிட வேண்டிய இக்கட்டான நிலைக்கு உள்ளானார்கள்.


தமக்கென ஒரு DATA BASE  ஐ உருவாக்க வேண்டும் என்பதற்காக, பாதிக்கப்பட்ட மக்கள் கிராம சேவகர்களிடம் பதிவு செய்ய தேவையில்லை, தங்களிடம் பதிவு செய்தால் போதும், அதனை அரசாங்கம் ஏற்றுக்கொள்ளும், அரசாங்கத்துடன் ஒப்பந்தம் செய்யப்பட்டு விட்டது என்று ஒரு அறிக்கையை விட்டது RCC.


இதனை உண்மை என்று நம்பிய பல்லாயிரக்கணக்கான பாதிக்கப்பட்ட முஸ்லிம் மக்கள், கிராம சேவகரிடம் பதிவு செய்யாமல், RCC இடம் மட்டும் பதிவு செய்தனர். பதிவு செய்யப்பட விபரங்களை DATA BASE இற்கு update செய்வதற்காக பல முஸ்லிம் இளைஞர்கள், மாளிகாவத்தையில் அமைந்துள்ள ஜமியத்துல் உலமா காரியாலையத்தில் இரவு பகலாக இலவசமாக சேவை செய்தார்கள். தமக்கான DATA BASE ஐ உருவாக்கிய பின்னர், தற்பொழுது மானம் கெட்ட தனமாக ஜமியத்துல் உலமா அறிக்கை விட்டு பாதிக்கப்பட்ட முஸ்லிம்களுக்கு துரோகம் செய்துள்ளது.


கிராம சேவகர்களிடம் பதிவு செய்ய விரும்பிய மக்களை, எங்களிடம் பதிவு செய்தால் போதும், அதனை ஏற்றுக்கொள்வதாக அரசாங்கம் உடன்பட்டுள்ளது  என்று பொய் சொல்லி ஏமாற்றி அவர்களின் தகவல்களை திரட்டிய எல்லாம் முடிந்த பின்னர், தற்பொழுது ஒன்றுமே தெரியாத அப்பாவி போன்று புதிய அறிக்கை வந்துள்ளது.


“பாதிக்கப்பட்ட அனைத்து மக்களும் கிராம சேவகர்களிடம் பதிவு செய்ய வேண்டும்” என்பதே அந்த அறிக்கை. எதற்காக இந்தத் துரோகம்? தாங்கள் சேகரித்த தகவல்களை வைத்து யாரை ஏமாற்றி, எதைக் கொள்ளை அடிக்கப் போகின்றார்கள்? ஏற்கனவே ஹலால் சேர்டிபிக்கேட் விற்பனை செய்து ஹராத்தில் சம்பாதித்து கோடிஸ்வரன் ஆகிய ரிஸ்வி முப்தியின் தலைமையில் செயற்படும் ஜமியத்துல் உலமா, RCC மூலம் திரட்டிய தகவலகளை எந்த அரபு நாட்டிடம் கொடுத்து கொள்ளை அடிக்கப் போகின்றது என்று தெரியவில்லை. எதற்காக பாதிக்கப்பட்ட மக்களை இப்படி ஏமாற்றி அலைக்கழிய வைக்கின்றார்கள் இந்த ஈனர்கள் என்று சந்தேகமாக உள்ளது. சோழியன் குடுமி சும்மா ஆடாது என்பது மட்டும் உண்மை.


இப்பொழுதே துரோகப் புத்தியை வெளிக்காட்டிய ஜமியத்துல் உலமா ஈனர்கள், தலைப்பிறை, பெருநாள் ஆகியவற்றில் என்ன துரோகத்தை செய்வார்களோ?


வெள்ளம் வந்த பொழுது ரிஸ்வி முப்தி லண்டனில் என்ன செய்துகொண்டு இருந்தார், யாரிடம் பணம் பெற்றார் போன்ற விபரங்கள், தகவல்கள் கிடைக்கப் பெற்றால், விரைவில் வெளியிடப்படும்.