உலமா சபை உப தலைவர் 40 கோடி மோசடி, பலரை ஏமாற்றியுள்ளார்

உலமா சபை என்றாலே ஊழல் சபையாகவும், மோசடி சபையாகவும் மாறி விட்டதா என்று நினைக்கும் அளவிற்கு நிலைமை மோசமாகிக் கொண்டு வருகின்றது. தலைவர் ரிஸ்வி முப்தி ஒருபுறம் புகுந்து விளையாட, தற்பொழுது உப தலைவர் புர்ஹான் மெளலவியும் தனது விளையாட்டைக் காட்டியுள்ளார்.

மடவளையைச் சேர்ந்த புர்ஹான் மெளலவி அகில இலங்கை ஜமியத்துல் உலமாவின் உப தலைவர் ஆவார். இவர் ரிஸ்வி முப்தியின் நெருங்கிய நண்பரும், நம்பிக்கைக்கு உரிய ஒருவருமாவார்.

உலக்கை சபை உப தலைவராக மட்டுமின்றி, மடவளை பள்ளிவாசல்கள் சம்மேளனத்தின் தலைவர், அரபுக் கல்லூரி அதிபர், ஊர்த் தலைவர், தப்லீக் ஜமாத்தின் தறுதலைப் பிள்ளை என்று உள்ள எல்லா பதவிகளையும் ஆக்கிரமித்துள்ள இந்த ஆசாமி, ஊரில் செல்வாக்கானவர், வானொலியிலும் எப்பொழுதாவது ஊளையிடத் தவறுவதில்லை.

உலமா சபை "ஹலால் சான்றிதழ்" வியாபாரம் செய்த பொழுது கோடிக் கணக்கான ரூபாய்கள் கணக்குக் காட்டப்படமால் கை மாறிய ஊழல் விடயங்கள் ரகசியங்கள் இல்லை.

தற்பொழுது ஹலால் சான்றிதழ் வியாபாரம் நடப்பதில்லை என்பதனாலோ என்னவோ இந்த படத்தில் உள்ள புர்ஹான் மெளலவி நேரடியாக களத்தில் இறங்கி மோசடி செய்ய ஆரம்பித்து விட்டார்.

வியாபாரம் செய்கின்றேன் என்று பணத்தை வாங்கிய இவர், உண்மையில் எவ்வித வியாபாரமும் செய்யாமல், உல்லாசமாக அடுத்தவன் பணத்தை அள்ளி வீசிச் செலவழித்து நன்றாக என்ஜோய் பண்ணியுள்ளார்.


வியாபாரம் செய்து இலாபம் தருகின்றேன் என்று மக்களை நம்பவைத்து, வாங்கிய பணத்தில் ஒரு சிறு பகுதியை, ஒரு மாதம் கழித்து கொடுத்தவர்களிடமே கொண்டு போய் "இதோ உங்கள் முதலீட்டுக்கு இந்த மாத இலாபம்" என்று கொடுத்து, அதன் மூலம் பலபேரை நம்பவைத்து, மேலும் பலரிடம் பணத்தைப் பெற்றுக் கொண்டு பல கோடி ரூபாய் பணத்துடன் எஸ்கேப் ஆகிவிட்டார்.

மெளலவி, மார்க்க அறிஞர், உலமா சபை உப தலைவர், பள்ளி நிர்வாகத் தலைவர் போன்ற பதவிகளை பயன்படுத்தி இந்த மோசடி வேலையை செய்துள்ளார். தான் செய்யும் வியாபாரம் மார்க்கத்தில் அனுமதிக்கப்பட்டது என்று பயான் வேறு பண்ணி மக்களை நம்பவைத்துள்ளார்.


மடவளை, மாத்தளை, உக்குவளை, அக்குரணை போன்ற பகுதிகளை சேர்ந்த முஸ்லிம் வியாபாரிகள், தனவந்தர்கள், இவரை நம்பி பணத்தைக் கொடுத்து ஏமாந்துள்ளனர். அது மட்டுமா, அரபுக் கல்லூரிகளில் கூட பணத்தை முறைகேடாக பயன்படுத்தி இருக்கின்றார். ஒரு அரபுக் கல்லூரிக்குச் சொந்தமான 25 லட்சம் ரூபாய்களை இவர் முழுசாக முழுங்கி ஏப்பம் விட்டுள்ளார்.


மிம்பரில் ஏறி "ஹராம் ஹலால், நரகம் சுவர்க்கம்" பேசும் இந்த பூசாரி, தன்னை நபிமார்களின் வாரிசு என்று நம்பிய ஏமாளிகளை அல்லாஹ்வின் பெயரால் ஏமாற்றி, தான் உண்மையில் ஷெய்த்தானின் வாரிசு என்பதனை நிரூபித்துள்ளார்.

மெளலவிகளின் சுய ரூபத்தை காட்டும் ஒரு சிறு உதாரணம் மட்டுமே இந்த ஊழல் மோசடி சம்பவம், இது போன்று இன்னும் பல வெளிவராமலே போய்விடுகின்றன.

இனிமேலும் மெளலவிகளை நபிமாரின் வாரிசுகள் என்று நம்பி ஏமாறும், தெரிந்துகொண்டே குழியில் விழுகின்றவர்களை யார்தான் காப்பாற்றுவது?