இலங்கையில் பெருநாள் இல்லை, மீண்டும் காலண்டருக்கு வெற்றி

அரசாங்கக் கலண்டரின் விடுமுறைக்கு அங்கீகாரம் வழங்கும் விதமாக மீண்டும்மொரு பிறை விவகாரம் முடிவிற்கு வந்து, அரச விடுமுறைக்கு மாற்றமில்லாமல் இலங்கையில் பெருநாள் அறிவிக்கப்பட்டுள்ளது.

கடந்த சில வருடங்களாக இலங்கையில் பார்க்கப்பட்ட பிறைகளை விட, எடுக்கப்பட்ட முடிவுகளை நோக்கின், அரசாங்கக் கலண்டரின் விடுமுறை தினத்திற்கு ஏற்பவே எல்லா முடிவுகளும் மேற்கொள்ளப்பட்டுள்ளன.


இந்த வருடத்தின் நோன்புப் பெருநாள் தினமும் விடுமுறை தினத்திலேயே மிகவும் சரியாகவே அறிவிக்கப் பட்டுள்ளது. விஞ்ஜானி ஆகில் அஹமத் அறிவித்திருந்ததைப் போன்று இம்முறை பிறை இலங்கைக்கு விஜயம் செய்யவில்லை.


இலங்கையில் எந்தப் பகுதியிலும் பிறை கண்டதாக இதுவரை எந்த செய்தியும் கிடைக்கவில்லை.

உலகத்தில் அதிகமான முஸ்லிம் நாடுகள் நாளை திங்கட்கிழமை பெருநாளைக் கொண்டாடுகின்றன. இந்தோனேஷியா, மலேசியா, சவூதி அரேபியா, தென்னாபிரிக்கா ஆகிய நாடுகளில் பிறை தென்பட்டதாக சர்வதேச ஊடகங்களில் செய்தி வெளியாகியுள்ளது.

(உலகத்தில் எந்தப் பகுதியிலும் பிறை தென்படாது என்று விஞ்சானி ஆகில் அஹமத் குறிப்பிட்டு இருந்தார். ஆகவே, இன்று முதல் சவூதி அரேபியா, இந்தோனேசியா, மலேசியா, தென்னாபிரிக்கா ஆகிய நாடுகள் செவ்வாய்க் கிரகத்தில் உள்ளன என்று அறிவிக்கப்படுகின்றது.)

இலங்கையில் பிறை தென்பட்டதாக எந்த செய்தியும் இதுவரை வெளியாகாததால், எவ்வித சர்ச்சைகளும் ஏற்படவில்லை, ரிஸ்வி முப்தியின் தலை தப்பியது, தலைமைத்துவ கனவுகளுடன் குழி பறிக்க காத்திருந்தவர்களுக்கு ஏமாற்றம் ஏற்பட்டுள்ளது, ஆகவே இன்னுமொரு வருடம் காத்திருக்க வேண்டிய நிலைமை.