மாவனல்லை பள்ளிவாசலில் பாரிய மோதல், ஜமாத்தே இஸ்லாமி உறுப்பினர்கள் காயம் , பொலிசார் களத்தில்

வாசகர் ஆக்கம் : ஆகிப்

இன்று ஜும்மாவின் பின்னர் மாவனல்லை மஸ்ஜிதுல் ஹுதா .பெரிய பள்ளிவாசலில் பாரிய அடிதடி சண்டை ஏற்பட்டு  மிகப்பெரும் குழப்பம் ஏற்பட்டதுடன், சிலர் காயமடைந்து, பொலிசார் வந்து நிலமையை கட்டுப்பாட்டிற்குள் கொண்டுவர வேண்டிய துர்ப்பாக்கிய நிலைமை ஏற்பட்டது.

இன்றைய ஜும்மா குத்பாவை பள்ளிவாசலின் பேஷ் இமாம் மெளலவி இக்பால் நிகழ்த்தினார். தக்வா, தலைமைத்துவம், அளுத்கமை, அல்லாஹ்வின் உதவி, மஷூரா, சரியா சட்டம், அற்புதம், ஜமியத்துல் உலமா, ஹலால் சான்றிதழ், குனூத், துஆ, அமேரிக்கா, ஒற்றுமை, குரான் மொழிபெயர்ப்பு என்று ஒரு நோக்கமில்லாமல் ஒரு அச்சாறு குத்பாவை வழமை போன்று நிகழ்த்தினார், இல்லை இல்லை அலட்டினார்.

அவர் தனது அலட்டல்  குத்பாவில் முக்கியமான ஒரு விடயத்தையும் குறிப்பிட்டார். நிர்வாகத்திற்கும், தலைமைக்கும் வருபவர்கள், "எங்களுக்கு தலைமைத்துவத்தை தாருங்கள்" என்று கேட்டு வரக்கூடாது, பொறுப்பு  அவர்களைத் தேடி வர வேண்டும் என்றுதான் நபி (ஸல்) சொல்கின்றார்கள் என்று கூறினார்கள். இது தற்பொழுதைய நிர்வாகத்திற்கு கொடுக்கப்பட்ட மறைமுக அடி என்று சொல்லப்படுகின்றது.

ஏனெனில் தற்பொழுது உள்ள ஜமாத்தே இஸ்லாமி நிர்வாகம், தேர்தலில் போட்டியிட்டு, தங்களுக்கு வாக்களிக்கும்படி கேட்டுத்தான் வெற்றிபெற்றார்கள்.

ஜும்மா தொழுகை முடிந்ததும், கடந்த வெள்ளிக்கிழமை போன்று இன்றும் துஆ விற்கு முன்னதாக அறிவித்தல் வாசிக்கப்படவே, மாறாவை பகுதியை சேர்ந்தவர்களும், ஆர்மி ரிஷான் என்பவரும் எதிர்ப்பு தெரிவிக்கவே, அவர்களை ஜமாத்தே இஸ்லாமியின் முக்கியஸ்தர்கள் அவர்களைத் தடுக்கவே மோதல் ஆரம்பமானது.

இதே விடயத்தில் கடந்த வெள்ளிக்கிழமையும் மோதல்  இடம்பெற்றது. எனினும் இன்றைய மோதல் பாரிய மோதலாக இடம்பெற்றது.

ஆர்மி ரிஷானுடன் மோதிய ஜமாத்தே இஸ்லாமி முக்கியஸ்தர்களான இம்தியாஸ், முஹமத், பர்ஹான்,  ஆகியோர் முன்னிற்கவே, ஆத்திரமடைந்த ஊர் மக்கள்  அனைவரும் இணைந்து ஜமாத்தே இஸ்லாமியின் மீது தாக்குதல் நடாத்தினார்கள். ஜமாத்தே இஸ்லாமியினரும் மற்றவர்களை தாக்கினார்கள். கடந்த வெள்ளிக்கிழமை மோதலை வீடியோ செய்த ஜமாத்தே இஸ்லாமியின் பர்ஹான் என்பவரும் இன்று தாக்குதலில் ஈடுபட்டார்.

இதன்பொழுது இம்தியாஸ் கடும் தாக்குதலுக்கு உள்ளானார். மேலும், சாதிக் என்பவரும் காயமடைந்தார்.

இதன்பொழுது பொலிசார் வரவழைக்கப்பட்டு நிலமை கட்டுப்பாட்டிற்குள் கொண்டுவரப்பட்டது.

கடந்த சில தினங்களாகவே மாவனல்லையில் இவ்வாறான விடயங்கள் நடப்பது குறித்து பலரும் கவலை தெரிவிக்கின்றனர்.


( முக்கிய குறிப்பு :  மேற்படி கட்டுரையின் கருத்துக்கள் கட்டுரையாசிரியருக்கே சொந்தம், அவை "மெளலவி லீலைகள்" இணையத்தின் கருத்துக்களை பிரதீபலிக்க வேண்டியதில்லை. )