ஜும்மாவின் பின் ஜமாத்தே இஸ்லாமியுடன் ஊர் மக்கள் மோதல், மாவனல்லையில் சம்பவம்

வாசகர் ஆக்கம் : ஆகிப்
மாவனல்லை முக்கிய பள்ளிவாசலாக அமைந்துள்ள மஸ்ஜிதுல் ஹுதா வில் இன்றைய ஜும்மா தொழுகையை தொடர்ந்து பிரச்சினை ஏற்பட்டுள்ளது. இதில் ஜமாஅதே இஸ்லாமி அமைப்பினருக்கும், ஊர் மக்களுக்கும் மோதல் ஏற்பட்டது.

மஸ்ஜிதுல் ஹுதா என்னும் இந்த பள்ளிவாசல் மாவனல்லை பிரதேசத்தின் முக்கிய தாய்ப் பள்ளிவாசல் ஆகும். இந்த பள்ளிவாசலின் நிர்வாக சபையினை ஜமாஅதே இஸ்லாமி கடந்த வருடம் தேர்தல் மூலம் கைப்பற்றிக் கொண்டது.

இன்றைய ஜும்மா குத்பாவை ஜமாஅதே இஸ்லாமியின் மவ்லவியான ஹுசைன் நலீமி அவர்கள் நடத்தினார்கள். அவர்கள் இஸ்லாமிய புதுவருடம், ஹிஜ்ரத், ரசூலுல்லாஹ்வின் சூரர பற்றியும் பயான் செய்தார்கள்.

இதுவரை இந்த பள்ளிவாசலில் கூட்டு துஆ தொழுகையினை தொடர்ந்து இடம்பெற்று வந்துள்ளது. கடந்த வெள்ளிக்கிழமை முதல் கூட்டுதுஆ வின் முக்கியதத்துவத்தை குறைக்க ஜமாஅதே இஸ்லாமி நிர்வாகத்தால் அறிவித்தல் வழங்கப்பட்டது.


அதன் பிரகாரம் தொழுகை முடிந்து, பொது அறிவித்தல்கள் வசித்து முடிந்த பிறகுதான் கூட்டுதுஆ இடம்பெறும் என்று அறிவித்தல் விடுக்கப்பட்டது. இன்றைய ஜும்மாவின் பின்னர் இது நடைமுறை செய்ய முயற்சி செய்த பொழுது, ஊர் மக்களில் ஒரு பிரிவினர் எதிர்ப்பு தெரிவிக்கவே, பள்ளிவாசலில் சண்டை ஏற்பட்டது. தவ்ஹீத் இயக்கத்தினர் ஊரை விட்டும் வேறாக பிரிந்து காட்டுப் பள்ளியில் தனியாக ஜும்மா தொழுகை செய்வதால், அவர்கள் இந்த சண்டைகளில் பங்கெடுக்க முடியவில்லை.

சென்ற வருடம் தேர்தலின் பொழுது கூட பள்ளிவாசலில் சண்டை ஏற்பட்டது. இயக்கங்கள் இஸ்லாம் பேச ஆரம்பித்த உடனேயே சண்டை வருவது ஏன் என்று புத்திஜீவிகள் கேள்வி எழுப்புகின்றனர்.


( முக்கிய குறிப்பு :  மேற்படி கட்டுரையின் கருத்துக்கள் கட்டுரையாசிரியருக்கே சொந்தம், அவை "மெளலவி லீலைகள்" இணையத்தின் கருத்துக்களை பிரதீபலிக்க வேண்டியதில்லை. )