மஹியங்கனை ஜனாஸாவில் புனிதப் போர், மையவாடியில் தாக்குதல்

முஸ்லிம் சமூகத்திற்கு பிடித்திருக்கும் தரித்திரம் - முஸீபத் என்பவற்றிற்கு முக்கிய காரணம் யார் என்பதை தொடர்ந்து ஆதாரங்களுடன் முன்வைத்தும், பலபேர் அதனை உணர தவறியுள்ளனர். அதனை மீண்டும் நிரூபிக்கும் ஒரு கேவலமான சம்பவம் மஹியங்கனையில் ஒரு ஜனாஸாவின் பொழுது இடம்பெற்றுள்ளது.

இலங்கையில் உள்ள மஹியங்கனை, பங்கராகம என்கின்ற ஊரில் ஒரு ஜனாஸா அடக்கம் செய்யப்பட பின்னர், ஒரு மெளலவி பயான் செய்திருக்கின்றார், அப்பொழுது இன்னொரு இயக்கத்தை சேர்ந்தவர்கள் அவரை தடுத்ததுடன், ஆபாச வார்த்தைகளால் அர்ச்சனை செய்ய, வாக்குவாதம் கைகலப்பாக மாறி மையவாடியில் இடம்பெற்ற புனிதப் போரில் பலத்த காயமடைந்த 3 பேர் மஹியங்கனை அரசாங்க வைத்தியசாலையில் அனுமதிக்கப் பட்டுள்ளனர். இது கடந்த வெள்ளிக்கிழமை நடைபெற்றுள்ளது.

சில மாதங்களுக்கு முன்னர் மஹியங்கனையில் ஒரு பள்ளிவாசல் மீது பெளத்த இனவெறியர்களால் தாக்குதல் மேற்கொள்ளப்பட்ட பொழுது, மையவாடியில் ஜிஹாத் செய்யும் இந்த போர் வீரர்கள் எங்கே இருந்தார்கள்? இறுதியில் குறித்த பள்ளிவாசல் நிரந்தரமாக மூடப் பட்டது. அதற்காக துணிந்து போராட ஒரு வீரனும் முன்வரவில்லை, ஆனால் ஜனாஸாவில் வைத்து மையவாடியில் மெளத்தாப்போன வீரத்தைக் காட்ட புறப்பட்டு விட்டனர் முஜாஹித்கள்.

இதற்கெல்லாம் காரணம் யார்? உண்மையில் இதற்கான காரணம் இயக்கங்களும், மெளலவி பூசாரிகளுமே தவிர வேறு யாருமல்ல.


ஒவ்வொரு இயக்கங்களும் கோடிக்கணக்கான ரூபாய்கள் வருமானமுள்ள நிதி நிறுவனங்கள். அதன் தலைவர்களும், முக்கிய புள்ளிகளும் கோடிக்கணக்கில் பினாமி பெயர்களில் அசையாச் சொத்துக்களை சேர்ப்பதில் கில்லாடிகள். ஆனால் முஸ்லிம் சமூகமோ மூளையற்ற மடையர்கள் போன்று, கண்ணற்ற குருடர்கள் போன்று போன்று இவர்களின் பின்னால் ஜன்னத்துல் பிர்தவ்ஸை தேடுகின்றது. கிடைக்குமா சுவர்க்கம்?????


7 வருடங்கள் மதரசாவில் தண்டச் சோறு தின்று, மாங்காய்க் கொட்டை சூப்பிய இந்த முட்டாள் பூசாரிகளுக்கு, ஒரு ஜனாஸாவை எப்படி நல்லடக்கம் செய்வது என்பதே ஒழுங்காக தெரியாத நிலையில், இவர்களுக்கு என்னதான் உருப்படியாக தெரியும்? இவர்களா உங்களுக்கு ஜன்னத்துல் பிர்தவ்ஸிற்கு வழிகாட்டப் போகின்றார்கள்????

ஒரு மையத்தை எப்படி நல்லடக்கம் செய்வது, சுபஹு தொழுகையில் குனூத் ஓத வேண்டுமா, பெருநாள் எப்பொழுது என்பது போன்ற சாதாரண விடயங்களில் கூட ஒருமித்த கருத்தில் வரமுடியாத சுயநல பூசாரி மெளலவிகளை, மார்க்கத்தை - இல்மை சுமந்தவர்கள் என்று இன்னும் எத்தனை காலத்திற்கு நம்பி ஏமாறப் போகின்றீர்கள்???